Во Едукативниот центар за зачувување на природата, по повод Меѓународниот ден на пчелата, се одржа настан поддржан од Амбасадата на Република Словенија во Р.С Македонија, а во соработка со Општина Пехчево и ЈГПБР „Меден Исток”.

Пред присутните свое обраќање имаа амбасадорот на Република Словенија во Р.С Македонија г-дин Милан Предан, координаторот на Обединетите нации во Р.С Македонија г-ѓа Росана Дуџак, заменик министерот за земјоделство, шумарство и водостопанство г-дин Трајан Димковски, како и градоначалникот на општина Пехчево,
г-дин Драган Тренчовски.

Целта на одбележувањето на Меѓународниот ден на пчелата е да се нагласи важноста на пчелите за природата и биодиверзитетот, загрозеноста на нивниот опстанок и нивниот придонес за одржлив развој.

По повод настанот беше организиран ликовен и литературен конкурс на тема: “Значењето на пчелите за природата”, на кој учествуваа ученици од ООУ “Ванчо Китанов”- Пехчево и ОСУ “Ацо Русковски”- Берово. Амбасадата на Република Словенија на најуспешните ученици им додели награди, кои им ги врачи амбасадорот на Република Словенија и неговата сопруга.

Присутните имаа можност да ги вкусат традиционалните малешевски специјалитети и секако да го пробаат медот произведен на одржлив начин од живописните предели на брегалничкиот регион со примена на биотехнички методи на пчеларите од ЈГПБР “Меден Исток”.