Дознајте повеќе!

За Едукативниот центар

Eдукативниот центар за зачувување на природата е сместен во село Негрево на 2км од регионалниот пат Делчево-Пехчево-Берово, во старата училишна зграда. Реновирањето на училишната зграда и основањето на едукативниот центар започнаa во 2017 година во рамки на активностите на Програмата за зачувување на природата во Република Северна Македонија, проект на Швајцарската агенција за развој и соработка (SDC), а координиран од Фармахем. Едукативниот центар официјално беше отворен за посетители во септември 2018 година.

Основната цел на едукативниот центар е да придонесе кон зачувување на природата во брегалничкиот регион, преку едукација и подигање на јавната свест, како и промоција на одржливото користење на природните ресурси. Со реконструкцијата на старата училишна зграда во с.Негрево, внатрешниот и надворешниот дел беа адаптирани за потребите на современ и интерактивен едукативен процес, каде на несекојдневен и оригинален начин на посетителите ќе им се доближи значењето на природата и ќе се презентира биолошката разновидноста на брегалничкиот слив.

Едукативниот центар има уреден двор со елементи за интерактивни активности за деца, млади и возрасни. Посетителите може да ја посетат и „Патеката на Петко и шумските жители-Пехчевска авантура”, која го поврзува Едукативниот центар со локалитетот Јудови Ливади, каде вирее инсектојадното растение муволовка (Drosera Rotundifolia), кое е ендемичен вид за овие простори.

Едукативниот центар е во сопственост на Општина Пехчево, а со него раководи дипломиран етнолог, Маре Параскова.

Финансиски извештаи за 2024 годинa

Одлука за усвојување на годишна програма

Заклучен лист

Финансиски извештаи за 2023 години

Одлука за усвојување на годишна програма

Заклучен лист