Наука за деца

Во сабота на 07.08.2021 година, Наука за деца (НЗД) во соработка со Едукативниот центар во с.Негрево ќе организира работилници за деца од 7 до 14 години во времетраење од еден час. Секој учесник добива НЗД пакетче со четири активности кои објаснуваат концепти од областа на математиката и природните науки. На работилницата учесниците ќе дознаат што е хексафлексагон, ќе изградат мост од стапчиња за сладолет, ќе откријат дали ладната вода е потешка од топлата, а ќе научат и како се одредува киселоста на различни супстанци. Во пакетчето е вклучена и боенка со археолошки авантури, подарок од Институтот Макс Планк.

Учесниците на работилницата ќе бидат поделени во две групи: прва групa деца од 7 до 9 години, со почеток од 11 часот и втора група деца од 10 до 14 години со почеток од 12:30 часот.

Бројот на учесници е ограничен, затоа побрзајте и закажете присуство на 075/462-592.